Ամբողջական տարբերակ
MediaMax
Հայ  |  Руc  |  Eng
> Տարածաշրջան
Ալիեւը բողոքել է «հոգեբանական հյուծվածությունից»
22.01 09:43
Երեւան: Մեդիամաքս: Ադրբեջանի նախագահ Իլհամ Ալիեւը հայտարարել է, որ իր երկիրը պատրաստ չէ նավթի գնի հետագա անկմանը:

Ինչպես հայտնում են ռուսաստանյան լրատվամիջոցները, Իլհամ Ալիեւը, հանդես գալով Դավոսում ընթացող Համաշխարհային տնտեսական ֆորումում, ասել է, որ «նավթի գնի շարունակական անկումը բավական հյուծիչ է, այդ թվում՝ հոգեբանական առումով, էլ չասած պետական բյուջեն հավասարակշռելու անհրաժեշտության մասին»:

Ադրբեջանի նախագահը նաեւ կատակել է նավթի գնի վրա OPEC-ի ազդեցության մասին:

«Ցավոք, OPEC-ի ամեն նիստից հետո նավթի գինն ընկնում է: Դրա համար մենք անհանգստացած ենք առաջիկա նիստի կապակցությամբ: Գուցե ավելի լավ կլինի, որ այն տեղի չունենա՞»,- ասել է Ադրբեջանի նախագահը:

Իլհամ Ալիեւը կոչ է արել համակարգել գործողությունները եւ ամրապնդել վստահությունն OPEC-ի անդամների եւ այն խոշոր նավթահանող երկրների միջեւ, որոնք միավորման անդամ չեն:

«Եթե դա տեղի չունենա, OPEC-ը չի կարողանա որոշումներ ընդունել: Իսկ որոշումների բացակայության պարագայում անհասկանալի կլինի, թե երբ նավթի գինը կհասնի «հատակին»: Ինչ-որ պահի թվում է, թե, ահա, սա է «հատակը», բայց այնուհետեւ մենք նոր գին ենք տեսնում»,- ասել է Ադրբեջանի նախագահը:

«Մենք Ադրբեջանում ակնկալում էինք, որ այսպես կոչված «հետնավթային» շրջանը կսկսվի մոտ 20 տարի հետո: Մեզ համար սա անակնկալ էր ու միեւնույն ժամանակ՝ սթրես մեր տնտեսության համար», - հայտարարել է Ալիեւը:

«Ծանր է լսել, որ նավթի գներն ավելի են իջնելու՝ թեեւ հաշվի առնելով ներկայիս իրավիճակը՝ դա անակնկալ չի լինի»,- խոստովանել է Ադրբեջանի նախագահը:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017