Ամբողջական տարբերակ
MediaMax
Հայ  |  Руc  |  Eng
> Տարածաշրջան
Ստատուս քվոն անընդունելի է, ասել է Քրիստիան Վիգենինը
27.09 14:08
Երեւան: Մեդիամաքս: ԵԱՀԿ Խորհրդարանական վեհաժողովի Հարավային Կովկասի հարցերով հատուկ ներկայացուցիչ Քրիստիան Վիգենինն ամփոփել է իր երկօրյա այցը Ադրբեջան:

Տարածաշրջանային մեկշաբաթյա այցի շրջանակում ԵԱՀԿ ԽՎ Հարավային Կովկասի հարցերով հատուկ ներկայացուցիչը կլինի նաեւ Վրաստանում եւ Հայաստանում: Այցի ընթացքում հատուկ ուշադրություն կդարձվի Լեռնային Ղարաբաղի հակամարտության ազդեցությանը տարածաշրջանի ժողովուրդների վրա:

«Մենք չպետք է երբեք մոռանանք, որ ԼՂ հակամարտությունը շարունակում է հանգեցնել զոհերի. ստատուս քվոն պարզապես անընդունելի է,- ասել է Քրիստիան Վիգենին: -Ես կշարունակեմ աշխատել այն ուղղությամբ, որ այս ողբերգական իրողությունը շարունակի մնալ քաղաքական առաջնորդների օրակարգում՝ տարածաշրջանային եւ միջազգային մակարդակով: Մենք չենք կարող մեզ թույլ տալ բավարարվել միայն կյանքեր փրկելով»:

Քրիստիան Վիգենինը վերահաստատել է, որ հակամարտություն չունի ռազմական լուծում եւ իր աջակցությունն է հայտնել ԵԱՀԿ Մինսկի խմբի համանախագահների ջանքերին: Նա կոչ է արել կողմերին դադարեցնել ագրեսիվ հռետորաբանությունը եւ խաղաղությանն ուղղված ավելի կառուցողական ջանքեր գործադրել:

«Ներկայում միտում կա, որ աշխարհն ամեն անգամ արթնանում է միայն, երբ ռազմական գործողություններում լարվածություն է նկատվում, սակայն խաղաղությունը չի կարող ձեռք բերվել անկանոն ջանքերի գործադրմամբ: Անհրաժեշտ է ամենաբարձր մակարդակներով դրսեւորվող հատուկ ուշադրություն եւ քաղաքական կամք՝ հասնելու տեւական խաղաղության»,- ասել է ԵԱՀԿ ԽՎ ներկայացուցիչը:

Քրիստիան Վիգենինը ողջունել է Հայաստանի եւ Ադրբեջանի նախագահների՝ մոտ ապագայում ծրագրվող հանդիպումը: Նա ընդգծել է, որ հակամարտության լուծման վերջնական պատասխանատվությունը երկու երկրների իշխանություններինն է, իսկ միջազգային հանրության ավելի մեծ ուշադրությունը կարող է նպաստել խաղաղության ջանքերին:

Տարածաշրջանային այցի արդյունքները հատուկ ներկայացուցիչը հոկտեմբերի 4-ին կներկայացնի ԵԱՀԿ խորհրդարանական վեհաժողովի մշտական կոմիտեին:

Քրիստիան Վիգենինը Բուլղարիան նախկին ԱԳ նախարարն է: Նա ԵԱՀԿ ԽՎ Հարավային Կովկասի հարցերով հատուկ ներկայացուցիչ է նշանակվել 2016թ. փետրվարին:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017