MediaMax - Նորություններ - Բանակ եւ Ոստիկանություն - ՊՆ-ն կաջակցի զորացրված անձանց ռազմական կրթություն ստանալ

Հայ | Руc | Eng

> Բանակ եւ Ոստիկանություն

ՊՆ-ն կաջակցի զորացրված անձանց ռազմական կրթություն ստանալ

14.06 18:14

Երեւան: Մեդիամաքս: ՀՀ պաշտպանության նախարարությունը պարտադիր ժամկետային զինծառայություն անցած անձանց ՊՆ Վազգեն Սարգսյանի անվան ռազմական համալսարանում առաջարկում է 2 ամիս տեւողությամբ արագացված վերապատրաստման դասընթացներ, որոնց ավարտից հետո կտրվի ուսումը համալսարանի 2-րդ կուրսից շարունակելու հնարավորություն:

ՊՆ-ում նշել են, որ ծրագիրը մեկնարկելու է հուլիսի 3-ից:

Դիմել կարող են պարտադիր ժամկետային զինծառայություն անցած մինչեւ 23 տարեկան քաղաքացիները՝ իրենց տարածքային զինվորական կոմիսարիատներում համապատասխան դիմում ներկայացնելու միջոցով:

Դեռեւս պարտադիր ժամկետային զինծառայության մեջ գտնվողները, որոնք ենթակա են զորացրման ամառային զորակոչի շրջանակում, կարող են դիմել իրենց զորամասերի հրամանատարությանը:

Դիմումների ընդունման վերջնաժամկետն հունիսի 26-ն է:

<< վերադառնալ

Գլխավոր էջ | Նորություններ