Ամբողջական տարբերակ
MediaMax
Հայ  |  Руc  |  Eng
> Բանակ եւ Ոստիկանություն
ՆԱՏՕ-ի խորհրդատվական խումբն ավարտել է այցը Հայաստան
24.03 09:30
Երեւան: Մեդիամաքս: Մարտի 20-ից հերթական այցով Երեւանում էր Հայաստանի կարիքներին օժանդակելու համար ձեւավորված ՆԱՏՕ-ի «Պաշտպանական կրթության զարգացման» խումբը:

Խմբի կազմում ընդգրկված են ՆԱՏՕ-ի կենտրոնակայանի, Կանադայի, Չեխիայի, Լեհաստանի եւ Լիտվայի ռազմաուսումնական հաստատությունների առաջատար փորձագետներ:

Այցի նպատակն է ՀՀ պաշտպանության նախարարության կադրերի եւ ռազմական կրթության վարչության եւ ռազմաուսումնական հաստատությունների հետ 2017թ. համագործակցության ծրագրերի ամփոփումը եւ փոխգործակցության հետագա ուղիների համաձայնեցումը:

Մարտի 21-ից 23-ը կազմակերպվել են խորհրդատվական խմբի այցելություններ ռազմաուսումնական հաստատություններ, հանդիպումներ կրթօջախների ղեկավարության եւ ուսումնական գործընթացի պատասխանատուների հետ:

Մասնավորապես` ՀՀ ՊՆ Վազգեն Սարգսյանի անվան ռազմական, Արմենակ Խանփերյանցի անվան ռազմական ավիացիոն համալսարաններում եւ ՀՀ ՊՆ ենթասպաների դպրոցում կայացած հանդիպումների ժամանակ ներկայացվել են խորհրդատվական խմբի օգնությամբ մեկնարկած առանձին նախագծերի ընթացքը:

ՀՀ ՊՆ հրամանատարաշտաբային դասընթացների պրոֆեսորադասախոսական կազմի եւ ունկնդիրների համար խորհրդատվական խումբը ներկայացրել է բանախոսություն «Արեւմտյան ռազմարվեստի հիմունքները. արեւմտյան եւ խորհրդային մոդելների համեմատական վերլուծություն» թեմայով:

Խումբը ճանաչողական այցով եղել է նաեւ Մոնթե Մելքոնյանի անվան ռազմամարզական վարժարանում:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2018