Ամբողջական տարբերակ
MediaMax
Հայ  |  Руc  |  Eng
> Կրթություն
ԵՊՀ-ն մասնակցել է Study World-2017 ցուցահանդեսին
15.05 16:36
Երեւան: Մեդիամաքս: Մայիսի 12-13-ին Բեռլինում կայացել է Study World ամենամյա ցուցահանդեսը, որտեղ առաջին անգամ ներկայացված էր նաեւ Հայաստանի տաղավարը:

Գերմանիայի կրթության եւ հետազոտությունների դաշնային նախարարության աջակցությամբ տեղի ունեցող Study World 12-րդ միջազգային կրթական ցուցահանդեսին մասնակցել են շուրջ 30 երկրների ավելի քան 150 համալսարաններ եւ կրթական կազմակերպություններ:
 
Ցուցահանդեսում ԵՊՀ-ն ներկայացնող պրոռեկտոր Ռուբեն Մարկոսյանը նշել է, որ Երեւանի պետական համալսարանը հիմնականում շեշտադրում է գրավիչ մի շարք հանգամանքներ՝ արտերկրացիների համար ապահով եւ հյուրընկալ միջավայրը, համեմատաբար մատչելի ծախսերը, մշակութային առանձնահատկությունները, գիտական մի շարք ուղղություններով ձեռքբերումներն ու հետազոտական ներուժը: Առանձնահատուկ շեշտադրվում է հայագիտությունը:

Ցուցահանդեսի ընթացքում ներկայացվել են տարբեր երկրում կրթություն ստանալու հնարավորությունները՝ բակալավրի եւ մագիստրոսի կրթական ծրագրերով ուսուցում, դոկտորական ծրագրեր, մեկ կիսամյակով ուսանողների փոխանակում, ինտերնշիփեր, ամառային դպրոցներ, լեզվի ուսուցում եւ այլն: Կայացել են ավելի քան 60 սեմինարներ եւ աշխատանքային քննարկումներ, որոնք գործնական միջավայր են ստեղծում համալսարանների միջազգային կապերի եւ գործակցության ընդլայնման համար:
 
ԵՊՀ-ից բացի ցուցահանդեսին Հայաստանի բուհերից մասնակցել են նաեւ Երեւանի Մ. Հերացու անվան պետական բժշկական համալսարանն ու Հայաստանի ամերիկյան համալսարանը: Հայաստանի ներկայացուցիչների մասնակցությանը մեծապես աջակցել են Գերմանիայում Հայաստանի դեսպանությունն ու գերմանական «DAAD» ակադեմիական փոխանակումների կազմակերպությունը:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017