Ամբողջական տարբերակ
MediaMax
Հայ  |  Руc  |  Eng
> Ծանրամարտ
Կարապետյան. Մինչեւ հիմա չեմ համակերպվել կորցրած մեդալի հետ
21.10 12:48
Ռիոյի Օլիմպիական խաղերում վնասվածք ստացած Անդրանիկ Կարապետյանը վիրահատությունից հետո վերականգնվում է ու անհամբերությամբ սպասում իր վերադարձին:

Օլիմպիադայում հրում վարժության 2-րդ մոտեցման ժամանակ ծանրորդի արմունկն էր դուրս ընկել:

Mediamax Sport-ին Կարապետյանն ասել է, որ Մոսկվայում վիրահատությունը լավ է անցել ու իր հետ հիանալի մասնագետներ են աշխատել:

«Հետվիրահատական փուլում խնդիրներ չեն առաջացել: Վիրահատությունից 20 օր անց գիպսը հանել ենք: Մոսկվայում ֆիզպատրաստություն եմ անցել, ձեռքն ենք բացել ու փորձել շարժել այն: Հիմա նորից Հայաստանում եմ, մոտ 1,5 ամիս թեթեւ մարզումներ կանցկացնեմ»,- նշել է ծանրորդը:

Կարապետյանը խոստովանել է, որ միչեւ հիմա դեռ չի կարողացել համակերպվել վնասվածքի հետ: Հատկապես մեծ ցավ է ապրում կորցրած մեդալի համար, համոզված է, որ նման իրավիճակում հայտնված ցանկացած մարզիկ հիանալի հասկանում է իր ապրումներն ու հոգեվիճակը.

«Սակայն մարդկանց վերաբերմունքն ու աջակցությունն իսկապես ոգեւորում են ինձ: Նրանք շատ սրտացավ են, անընդհատ հարցնում են վնասվածքիս մասին, համացանցով են հաճախակի գրում: Ցանկանում են, որ որքան հնարավոր է շուտ մրցահարթակում տեսնեն ինձ: Կփորձեմ արագ հաղթահարել ամեն ինչ ու կրկին սպորտ վերադառալ»:

Ծանրորդն ավելացրել է, որ, հավանաբար, 2017 թվականի Եվրոպայի առաջնությունը բաց կթողնի, կփորձի լավ մարզավիճակ ձեռք բերել ու մասնակցել Աշխարհի առաջնությանը:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017