Ամբողջական տարբերակ
MediaMax
Հայ  |  Руc  |  Eng
> Ըմբշամարտ
Ալեքսանյանի վիճահարույց գոտեմարտի մանրամասները
12.06 12:04

Շաբաթ օրը Թբիլիսիի Գրան Պրիի մինչեւ 98 կգ քաշային կարգի եզրափակչում Արթուր Ալեքսանյանն ուժերն է չափել վրացի Ռեւազ Նադարեյշվիլու հետ:

Գոտեմարտի երկրորդ մրցափուլում տրիբունաներում վիճաբանություն էր սկսվել, մրցավարները տեխնիկական պարտություն էին գրանցել հայ ըմբիշի հաշվին:

Mediamax Sport-ի թղթակիցը զրուցել է Հայաստանի հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանի հետ, որն էլ մեկնաբանում է կատարվածը:

Գոտեմարտի հենց սկզբից էլ նկատվեց, որ մրցավարն անարդար է վարում գոտեմարտը: 5 րոպե 17 վրկ Արթուր Ալեքսանյանն անընդհատ հարձակվում էր, իսկ մրցակցին արդեն 2 միավոր էին տվել, Արթուրին՝ 1: Դեռ 45 վրկ էլ կար, ու մենք վստահ էինք, որ մեր ըմբիշն այդ ընթացքում կարող է հետ բերել միավորներն ու հաղթել, որովհետեւ ակնհայտ էր նրա առավելությունը:

Սակայն այդ անարդարությունը երկրպագուները չընդունեցին, խառնվեցին իրար ու հայ-վրացական վիճաբանություն սկսվեց: Այդ ընթացքում գոտեմարտը շարունակվում էր, ու մենք չէինք ուզում ընդհատվեր: Սակայն մրցավարը կանգնեցրեց այն: Ես մարտավկան էի, իսկ Գեւորգ Ալեքսանյանը՝ մարզիչը: Հանկարծ ինչ-որ մարդիկ սկսեցին նրան հրել: Հենց դա է տեսել Արթուրն ու իջել գորգից: Բայց նա այնտեղ մնացել է ամենաշատը 30 վրկ, երբ ես նկատեցի նրան, միանգամից բարձրացրի գորգ, քանի որ ըմբիշն իրավունք չունի մինչեւ գոտեմարտի ավարտը լքել  այն:

Արթուրն այդ ընթացքում ոչինչ չի արել, նա պարզապես ասում էր, որ բոլորը հանգստանան ու ինքը շարունակի իր հանդիպումը: Նա ոչ ոքի մատով անգամ չի կպել, ոչինչ չի արել: Բայց մրցավարներն օգտվեցին առիթից ու հաղթանակը նվիրեցին վրացուն:

Մենք խոսեցինք միջազգային ֆեդերացիայի հրահանգիչի հետ, ով ազգությամբ թուրք էր: Նույնիսկ վրացիներն էին փաստում, որ անարդարություն է եղել: Սակայն ոչինչ չփոխվեց, որովհետեւ արդեն պատրվակ ունեին. մարզիկն իրավունք չունի իջնել գորգից:

Չեմ կարծում, որ սա հետագայում կազդի Ալեքսանյանի վրա: Կրկնում եմ, նա ոչինչ չի արել, նույնիսկ շնորհավորել է մրցակցին, պարգեւատրմանն է մասնակցել: Իսկ եթե հանկարծ միջազգային ֆեդերացիան փորձի նրան որակազրկել, ապա լուրջ կասկածի տակ կդնի իր արդարությունը, իսկ մեր ֆեդերացիան, կառավարությունն ու ՀԱՕԿ-ը, հույս ունեմ, դրա առաջը կառնեն: Բայց էլի ասեմ, որ այս դեպքն Արթուրի հետագա ելույթների վրա չի ազդի:


<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017