Ամբողջական տարբերակ
MediaMax
Հայ  |  Руc  |  Eng
> Հոդվածներ
Լեւոն Պաչաջյանը Ստոքհոլմից ամփոփում է ԵԼ-ի եզրափակիչը
25.05 13:56

Հայաստանի ազգային հավաքականի նախկին կիսապաշտպան Լեւոն Պաչաջյանը, որն այժմ «Södertälje»-ի կազմում հանդես է գալիս Շվեդիայի առաջնությունում, Mediamax Sport-ի համար վերլուծել է Ստոքհոլմում կայացած Եվրոպայի Լիգայի «Այաքս»-«Մանչեսթեր Յունայթեդ» եզրափակիչ հանդիպումը:

Եզրափակիչ հանդիպում ընդունելը ցանկացած երկրի համար մեծ իրադարձություն է, եւ Շվեդիան էլ բացառություն չէր։ Խաղից երկու օր առաջ արդեն շատ մեծ էր անցուդարձը։ Իսկ հանդիպման մեկնարկից ժամեր առաջ երկրպագուները երգերով ու վանկարկումներով լցրին Ստոքհոլմի փողոցները: Ամեն ինչ շատ լավ անցավ:
[[gallery1]]
Խոստովանենք, որ բոլոր հայերս սպասում էինք խաղին եւ Հենոյի խփած գոլին: Շատ լավ է, որ ամեն ինչ այսպես դասավորվեց։

Հանդիպումը դանդաղ էր ու զգացվում էր, որ թիմերը չեն ուզում ռիսկի դիմել, նախընտրել են խաղալ պաշտպանությունից։ Սխալների մեծ տոկոսը երեւի ավելորդ լարվածությունից էր գալիս։

Բայց հետո «Այաքսի» ֆուտբոլիստները սխալ թույլ տվեցին, ինչը բնորոշ է անփորձ եւ շատ երիտասարդ մարզիկներին։ Առաջին գոլը եզրային նետումի սխալ կատարումից ծնվեց:

Պոլ Պոգբայի խփած գոլը «Մանչեսթերին» առավելություն տվեց, որն էլ ավելի ամրապնդվեց Մխիթարյանի երկրորդ գոլից հետո։

Ապա, չնայած, ոչ բարձր տեմպին եւ տպավորիչ խաղին, ՄՅՈւ-ն հիմնականում կարողանում էր թելադրողի դերում հանդես գալ:

Անգլիացիները բարձր պրեսինգի շնորհիվ զրկում էին «Այաքսի» երիտասարդ ֆուտբոլիստներին ազատ գոտիներից եւ, գնդակ պահելով, չեզոքացնում էին վտանգը։ Դա էր պատճառը, որ չոր հաշվով հաղթեցին։ Վերջին տարիներին Ժոզե Մոուրինյոյի դավանած ֆուտբոլը, ճիշտ է, ինչ-որ տեղ ձանձրալի, բայց արդյունավետ է։
[[gallery2]]
Ինչպես արդեն ասացի, Մխիթարյանից լավ խաղ էինք սպասում: Հանդիպումը նրա համար շատ լավ դասավորվեց: Եվրոպայի Լիգայում գոլերի թիվը հասցրեց 6-ի, սա շատ լավ ցուցանիշ է: Հենոն շատ լավ է կարդում խաղը, հրաշալի դրիբլինգ ունի, վտանգավոր է մրցակիցների համար։

Վերջին տարիներին նրա ձեռքբերած ամենամեծ առավելությունը, կարծում եմ, տուգանային հրապարակում ճիշտ տեղում ճիշտ ժամանակին հայտնվելն է։ Սա շատ կարեւոր է գոլահարի համար։ Իսկ եզրափակումներն ուղղակի իդեալական են ստացվում:

Շատ ուրախալի է, որ հայ ֆուտբոլիստը կարողացավ նման բացառիկ հաջողության հասնել, ուրախանալու եւ հպարտանալու առիթ տվեց բոլորիս:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017