Ամբողջական տարբերակ
MediaMax
Հայ  |  Руc  |  Eng
> Գիտություն
Բյուրեղային նյութը կարող է կրկնապատկել արեւային մարտկոցների ուժը
10.05 13:23
Պերդյույի համալսարանի եւ Վերականգնվող էներգիայի աղբյուրների ազգային լաբորատորիայի մշակած նոր` բյուրեղային կառուցվածքով նյութը կարող է կրկնապատկել արեւային մարտկոցների արդյունավետությունը:

Բյուրեղային կառուցվածքը պարունակում է ոչ օրգանական (յոդ եւ կապար) եւ օրգանական նյութեր (մեթիլ-ամոնիում) եւ բարձրացնում է արդյունավետությունն այնպես, որ այն կարող է լույսից վերցնել էներգիայի երկու երրորդը` միեւնույն ժամանակ ջերմություն հաղորդելու համար չկորցնելով շատ էներգիա: Այլ կերպ ասած, այս նյութը կարող է կրկնապատկել էլեկտրաէներգիան` առանց ծախսերի զգալի աճի:

Ամենատարածված արեւային մարտկոցներում որպես կիսահաղորդիչ օգտագործվում է սիլիկոն, որը կարող է փոխանցել էներգիայի միայն մեկ երրորդը:

Պերդյույի համալսարանի քիմիայի դոցենտ Լիբաի Հանգն (Libai Huang) ասել է, որ նոր մշակված նյութը (երկրի մակերեւույթի համար համեմատաբար հազվադեպ հանքանյութի` պերովսկիտների հիբրիդ) կստեղծի ավանդական սիլիկոնային մարտկոցներից ավելի բարակ, ճկուն, էժան եւ հեշտ պատրաստվող արեւային մարտկոցներ:

Հանգի եւ նրա գործընկերների մշակած նոր մեթոդը, արագ լազերների եւ միկրոսկոպերի կիրառմամբ, կարող է հետեւել տաք կրիչների շարժման դիապազոնին ու արագությանը:

«Տարածությունը, ուր տաք կրիչները պետք է տեղափոխվեն, մոտ 200 նանոմետր է, ինչին նոր նյութը կարող է հասնել: Այս կրիչները կարող են ապրել մոտ 100 պիկովայրկյան (մեկ տրիլիոներորդ վայրկյան)` երկու անգամ ավելի շատ, քան սիլիկոնը»,- ասել է Հանգը:

Հաջորդ քայլով հետազոտողները պետք է պատշաճ էներգետիկ մակարդակներում համապատասխան կոնտակտային նյութեր կամ կառուցվածքներ գտնեն եւ զարգացնեն, որպեսզի այդ տաք կրիչները կարողանան գեներացնել հզորությունը:

Պատրաստեց Մարի Թարյանը

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017