Ամբողջական տարբերակ
MediaMax
Հայ  |  Руc  |  Eng
> Գիտություն
Քաղցի հորմոնը նպաստում է ուղեղում նոր բջիջների աճին
24.05 15:20
Երեւան: Մեդիամաքս: Ստամոքսի հորմոնը, որ խթանում է ախորժակը, կարծես թե, նպաստում է ուղեղում նոր բջիջների աճին եւ պաշտպանում է դրանք ծերացումից:

Քաղցի հորմոնը՝ գրելինը, առաջանում է ստամոքսում, երբ այն դատարկ է, եւ մի քանի ժամ քաղցած մնալու արդյունքում դրա մակարդակն արյան մեջ բարձրանում է: Գիտնականների փորձերը ցույց են տվել, որ ցածր կալորիականությամբ սննդակարգով կենդանիների մտավոր կարողություններն ավելի բարձր են, եւ մասնագետները կարծում են, որ դա կապված է նաեւ քաղցի հորմոնի հետ: Մկների մարմնում այս հորմոնի ներարկումից հետո նրանց մոտ բարձրանում է ուսուցման եւ հիշողության թեստերում արդյունավետությունը, եւ ավելանում են ուղեղի նյարդային հանգույցները:

Մեծ Բրիտանիայի Սվանսեայի համալսարանի գիտաշխատող Ջեֆրի Դեվիսն իր թիմի հետ նոր ապացույց է գտել, որը վկայում է, որ գրելինը կարող է խթանել ուղեղի բջիջների բազմացմանը: Այս պրոցեսը կոչվում է նեյրոգենեզ: Երբ հետազոտողները մկան՝ արհեստական աճեցված ուղեղի բջիջներում ավելացրել են գրելին, այն վերածվել է մի գենի, որը խթանում է նեյրոգենեզը:

«Եթե նույնը տեղի ունենա նաեւ կենդանիների դեպքում, դա կարող է ցույց տալ, թե ինչպես է գրելինն ազդում հիշողության վրա: Ուղեղի երիտասարդ բջիջները, կարծես թե, նպաստում են նոր հիշողությունների ձեւավորմանը»,- ասել է Ջեֆրի Դեվիսը:

Այս աշխատանքը կարող է օգտագործվել նեյրոգեներատիվ հիվանդությունների բուժման դեպքում, ինչպես օրինակ՝ Պարկիսնոնի հիվանդությունն է, որը բնորոշվում է միջին ուղեղի սև նյութի եւ այլ հանգույցների դեգեներացիայով: 

Դեվիսի թիմը բացահայտել է, որ Պարկինսոնի հիվանդության ժամանակ գրելինն ուղեղի բջիջները պաշտպանում է մահացությունից: Նրանք նաեւ պարզել են, որ այդ հիվանդությամբ տառապող մարդկանց մոտ գրելինի մակարդակը ցածր է:

Պատրաստեց Մարի Թարյանը

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017