Ամբողջական տարբերակ
MediaMax
Հայ  |  Руc  |  Eng
> ԼՂՀ
Բաքուն պատանդ է վերցրել բանակցային գործընթացը, ասել է Նալբանդյանը
08.06 16:39
Երեւան: Մեդիամաքս: ՀՀ արտաքին գործերի նախարար Էդվարդ Նալբանդյանը հայտարարել է, որ «Ադրբեջանը Լեռնային Ղարաբաղի խնդրում ընդունել է «կամ ամեն ինչ, կամ ոչինչ» դիրքորոշումը եւ բացահայտորեն սպառնում է նոր ռազմական գործողություններով՝ այդպիսով պատանդ վերցնելով բանակցային գործընթացը, շանտաժի ենթարկելով եւ շարունակաբար վարկաբեկելով համանախագահներին»:

Այս մասին նախարարը հայտարարել է նախօրեին Հռոմում՝ Միջազգային կազմակերպությունների հետ կապերի իտալական ընկերակցությունում ունեցած ելույթի ընթացքում:

«Ադրբեջանը ջանք չի խնայում՝ տապալելու նախագահների մակարդակով ձեռք բերված պայմանավորվածությունները, այն է՝ ԵԱՀԿ գործող նախագահի անձնական ներկայացուցչի թիմի կարողությունների ընդլայնումը, որը ներկայումս միակ միջազգային ներկայությունն է հակամարտության գոտում, եւ զինադադարի խախտումների հետաքննության մեխանիզմի ստեղծումը: Ըստ էության, Ադրբեջանը ցանկանում է ձերբազատվել պայմանավորվածությունները իր կողմից շարունակաբար չկատարելու միջազգային վերահսկողությունից: Այնուամենայնիվ, անգամ կայուն մշտադիտարկման մեխանիզմների բացակայության պայմաններում ակնհայտ է, թե ով է կանգնած խախտումների հետեւում, եւ համանախագահները մատնանշել են Ադրբեջանին՝ որպես հրադադարի խախտումների նախաձեռնողի»,- հայտարարել է Էդվարդ Նալբանդյանը:

Նախարարը հիշեցրել է, որ 2016թ. ապրիլին ադրբեջանական ագրեսիան ուղեկցվել է միջազգային մարդասիրական իրավունքի կոպտագույն խախտումներով, ներառյալ՝ ԴԱԻՇ-ի ոճով գլխատումներով եւ այլ վայրագություններով:

«Ակնհայտ է՝ Լեռնային Ղարաբաղի հակամարտության գոտում իրավիճակի սրմամբ Ադրբեջանը փորձում է հանրության ուշադրությունը շեղել Ադրբեջանում առկա տնտեսական եւ սոցիալական խնդիրներից, մարդու իրավունքների կոպտագույն խախտումներից եւ հանրային զայրույթից»,- հավելել է ԱԳ նախարարը:

Էդվարդ Նալբանդյանն ընդգծել է, որ «հասունացել է ժամանակը, որպեսզի միջազգային հանրությունն առավել շոշափելի քայլեր ձեռնարկի Բաքվի սադրիչ եւ ապակառուցողական քաղաքականությունը սանձելու ուղղությամբ»:

«Բանակցություններն այլընտրանք չունեն, եւ Հայաստանը՝ համանախագահների հետ միասին, շարունակելու է իր ջանքերը՝ ուղղված հակամարտության բացառապես խաղաղ կարգավորմանը»,- ամփոփել է նախարարը:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017