Ամբողջական տարբերակ
MediaMax
Հայ  |  Руc  |  Eng
> Բիզնես
IDeA-ն ծանոթացել է Վրաստանի փորձին
20.12 12:30
Երեւան: Մեդիամաքս: «Հայաստանի զարգացման նախաձեռնություններ» (IDeA) հիմնադրամի պատվիրակությունը այցելել է Վրաստան՝ տարածաշրջանների եւ զբոսաշրջության զարգացման վրացական փորձին:

Պատվիրակությունը եղել է Մցխեթայում եւ Կախեթիի տարածաշրջանում, որտեղ հանդիպումներ է ունեցել տեղական իշխանությունների, մասնավոր հատվածի, Համաշխարհային բանկի ներկայացուցիչների հետ:

Կախեթիում պետության նախաձեռնությամբ եւ Համաշխարհային բանկի աջակցությամբ տարածաշրջանի զարգացման ծրագիր է իրականացվել, որի շրջանակում վերականգնվել են շրջանային կենտրոն Թելավիի եւ մշակութային ժառանգության հուշարձաններով հարուստ այլ քաղաքների պատմաճարտարապետական տեսքը, ենթակառուցվածքները, զբոսաշրջության զարգացման նոր հնարավորություններ են ստեղծվել՝ ներգրավելով նաեւ մասնավոր հատվածին:

«Մեր այցելության նպատակը Վրաստանում պետություն-միջազգային դոնոր կազմակերպություններ-մասնավոր հատված համագործակցությամբ ծրագրերի իրականացման փորձին, առավելություններին ու թերություններին ծանոթանալն էր: Եղանք այն վայրերում, որոնք իրենց առանձնահատկություններով բավականին մոտ են Դիլիջանին եւ Տաթեւի հատվածին, որտեղ էլ հիմնադրամն իրականացնում է իր առանցքային նախագծերը՝ «Տաթեւի վերածնունդ» եւ Դիլիջանի զարգացման ծրագրերը»,- ասել է IDeA հիմնադրամի ծրագրերի իրականացման եւ շինարարական աշխատանքների ղեկավար Էդգար Մանուկյանը:

Համաշխարհային բանկի Եվրոպայի եւ Կենտրոնական Ասիայի տարածաշրջանի ենթակառուցվածքների ոլորտի ղեկավար Ահմեդ Էյվեյդան հաջող համարելով Կախեթիի զարգացման ծրագիրը՝ նշել, որ այս դեպքում տեղական եւ տարածաշրջանային տնտեսական զարգացմանն աջակցելու համար օգտագործվել է երկու հանգամանք՝ զբոսաշրջային ներուժն ու պատմամշակութային ժառանգության առկայությունը, ինչը կիրառելի է եւ Դիլիջանի, եւ Տաթեւի համար:

«Թելավիում, օրինակ, վերականգնվել է քաղաքի պատմական տեսքը: Յուրաքանչյուր նման ծրագիր նպաստում է պատմամշակութային ժառանգության հուշարձանների հարակից տարածքում զբոսաշրջության զարգացման համար ենթակառուցվածքների ու նոր հնարավորությունների ստեղծմանը: Մասնավորապես՝ Դիլիջան քաղաքի պատմաճարտարապետական տեսքի վերականգնումը, ներկայումս գործող Դիլիջանի միջազգային քոլեջի հետ միասին, կարող են խթան հանդիսանալ քաղաքի զարգացման համար»,-  ասել է նա:

Տաթեւի՝ որպես զբոսաշրջային ուղղության զարգացմանը, ըստ նրա, կարող է նպաստել նաեւ Համաշխարհային բանկի աջակցությամբ Հայաստանում իրականացվելիք «Հարավային միջանցք» ծրագիրը, որի նպատակը Երեւանից մինչեւ Մեղրի հատվածի զբոսաշրջային զարգացումն է:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017