Ամբողջական տարբերակ
MediaMax
Հայ  |  Руc  |  Eng
> Հասարակություն
Մշակույթի նախարարությունն արձագանքել է Մեդիամաքսի հրապարակմանը
19.06 15:49

Երեւան: Մեդիամաքս: ՀՀ մշակույթի նախարարությունն այսօր արձագանքել է Մեդիամաքսի «Երերույք` ՅՈՒՆԵՍԿՕ-ի հույսին մնացած առեղծվածային տաճարը» հրապարակմանը, որում Շիրակի թեմի առաջնորդ Միքայել եպիսկոպոս Աջապահյանը նշել էր, որ տաճարի վերականգման համար «եկեղեցին ռեսուրսներ չունի, եւ հիմնական պատասխանատուն մնում է մշակույթի նախարարությունը»։

Արձագանքելով այս մտքին՝ ՀՀ մշակույթի նախարարի տեղակալ Արեւ Սամուելյանն ասել է, որ «Երերույքի բազիլիկը եւ հնագիտական վայրը 1995 թվականից ընդգրկված են ՅՈՒՆԵՍԿՕ-ի Համաշխարհային ժառանգության նախնական ցանկում»:

Փոխնախարարը տեղեկացրել է, որ Երերույքում աշխատանքներ իրականացնելու նպատակով 2017թ. պետական բյուջեով արդեն իսկ միջոցներ են նախատեսված:

«Այդ գումարով կիրականացվի նախապատրաստական աշխատանք, ինչը ենթադրում է՝ փաստաթղթերի հավաքագրում, գլխավոր նախագծի ստեղծում: Սա արդեն լուրջ աշխատանք է»,- ասել է Արեւ Սամուելյանը:

Նախարարությունում նշել են, որ Երերույքի հնագիտական հուշարձանը եւ Անիպեմզա գյուղը 2016թ. մարտի 16-ին Վենետիկում կայացած «Եվրոպա Նոստրա» մրցանակաբաշխությանը ներառվել են «7 առավել վտանգված» հուշարձանների ցանկում:

«Այդ ցանկում ընդգրկված լինելը դիտվում է որպես առավելություն՝ հուշարձանի վերակառուցման նպատակով դոնոր կազմակերպություններին դիմելիս: «Եվրոպա Նոստրայի» փորձագետների օգնությամբ մշակվում է ներդրումային ծրագիր, այդ ուղղությամբ արդեն մեծ աշխատանք է տարվել: 5 միլիոն եվրո արժողությամբ ծրագիրը, կարելի է ասել, հիմնականում պատրաստ է, բայց դոնորներ գտնելու գործընթացը կարող է տեւել մի քանի տարի»,- տեղեկացրել է փոխնախարարը՝ ընդգծելով, որ «Եվրոպա Նոստրան» գումարներ տրամադրելու պարտավորություններ չունի:

<< վերադառնալ
Գլխավոր էջ
Սպորտ
Քաղաքականություն
Արտաքին քաղաքականություն
Բանակ եւ Ոստիկանություն
ԼՂՀ
Տարածաշրջան
Աշխարհում
Երեւան
Հասարակություն
Կրթություն
Մեդիա
Գիտություն
Հայաստան-Թուրքիա
Ռիո 2016
Հոդվածներ
Այլ
Ըմբշամարտ
Ծանրամարտ
Բռնցքամարտ
Շախմատ
Ֆուտբոլ
Բիզնես
Ընտրություններ 2012
Հատուկ նախագծեր
 
Գլխավոր էջ  |  Նորություններ
© Copyright Mediamax LLC 1999-2017